काभ्रेली पत्रकार बजगाईलाई ‘यूवा पत्रकारिता सम्मान’

काभ्रेबाट  प्रकाशित हुने नवक्षितिज साप्ताहिकका प्रकाशक एवं प्रधानसम्पादक नवराज बजगाईलाई ‘नेशनल पावर न्युज म्युजिक अवार्ड २०२०’ अन्र्तगत ‘यूवा पत्रकारिता सम्मान’ प्रदान गरिने भएको छ ।

नेपाल पत्रकार महासंघ जिल्लाका पूर्व उपाध्यक्ष तथा प्रेस संगठन नेपालका केन्द्रिय सदस्य बजगाईलाई पत्रकारिताको माध्यमबाट समाज परिवर्तनका साथै नेपाली कला क्षेत्रको विकासमा योगदान गरेको भन्दै यो सम्मान प्रदान गर्न लागेको आयोजकले स्पष्ट पारेको छ ।

नेपालको पहिलो समावेशी म्यूजिक अवार्ड ‘नेशनल पावर न्युज म्युजिक अवार्ड २०२०’ को संस्करणकै बीच यहि पुष ११ गते यो सम्मान प्रदान गरिने कार्यक्रमका अध्यक्ष माधव राज खरेलले जानकारी दिनुभयो । उहाँका अनुसार अवार्ड कार्यक्रममा रातोपाटीकर्मी एवं रंगपत्रकार कुबेर गिरीलाई रंगपत्रकारिता पुरस्कार प्रदान गरिनेछ ।

कोरोनाको कहरका कारणले रोकिएको अवार्डको संस्करण यहि पुष ११ गते राजधानीमा सम्पन्न हुने भएको हो । गतवर्ष चैत्र महिनामा सम्पन्न हुनुपर्ने उक्त अवार्ड कार्यक्रम कोरोनाका कारणले रोकिएको थियो । झण्डै १ वर्षको प्रतिक्षा पछि सामाजिक दुरी कायम गर्दै अवार्ड कार्यक्रमलाई पौष ११ मा सम्पन्न गर्ने आयोजकले जानकारी दिएको छ ।

नेपाली भाषाका अलवा नेपालमा वोलिने विभिन्न भाषा भाषिलाई समावेश गरेर आयोजना हुदै आएको नेशनल पावर न्युज म्युजिक अवार्डको यो तेस्रो संस्करण हो । कार्यक्रममा राष्ट्रियभाव, गजल, पप, आधुनिक, लोकदोहोरी लगायत विभिन्न भाषा–भाषी गरी जम्मा ५१ विधामा अवार्ड वितरण गरिने छ ।

निर्णाकको मत र भोटिङ पद्धतिवाट उत्कृष्ट गीत, श्रष्टा एवं सर्जकहरुलाई छनोट गरिने र उत्कृष्टमा परेका श्रृजना, सर्जक एवं श्रष्टाहरुलाई अवार्ड प्रदान गरिने कार्यक्रम संयोजक कमला जोशीले वताउनुभयो । ग्लोवल अनलाईन पेको वेवसाईटमा गएर पौष १० गते सम्म आफुलाई मनपरेका कलाकार एवं श्रृजनालाई भोट गर्न पाउने आयोजकले वताएको छ ।

Facebook Comments

1 thought on “काभ्रेली पत्रकार बजगाईलाई ‘यूवा पत्रकारिता सम्मान’

  1. Hi there. I discovered your website via Google at the same time as searching for a comparable matter, your website got here up. It appears good. I have bookmarked it in my google bookmarks to come back then. Vernice Jere Silin

Leave a Reply

Your email address will not be published. Required fields are marked *